Slöngur, barkar ofl.

Brunaslöngur, sogbarkar og slöngubúnaður

Mandals framleiðir margar gerðir af slöngum til mismunandi nota. Þær gerðir sem við nefnum hér eru þær gerðir sem við erum venjulega með á lager hjá  okkur. Framleiðsla þeirra er vel á annan tug af gerðum og  þeir framleiða einnig vefstóla til slönguvefnaðar.

Hér er tafla sem sýnir þrýstingstap í slöngum.

Guardman brunaslöngur í ýmsum litum. Áður nefndar Armtex.

Guardman (áður nefndar Armtex) rauðar brunaslöngur eru brunaslöngur úr gerfiefnum og afsprengi margra ára þróunar í framleiðslu á brunaslöngum. Guardman brunaslangan er framleidd í heilu lagi þar sem nítríl gúmmíi er þrýst í gegnum hringofinn vefnaðinn. Þetta gefur efnunum góða viðloðun þ.e. innara og ytra lags gúmmísins og vefnaðsins. Eftir vúlkaniseríngu fara slöngurnar í þrýstiþolprófun og framleiðslueftirlit áður en þær eru sendar til ýmissa landa. Gæði Guardman brunaslangna eru viðurkennd um allan heim og hefur slangan náð þeirri sérstöðu að vera nefnd brunaslanga nútíða og framtíðar. Guardman er mjög sterk brunaslanga og á langan líftíma við erfiðar aðstæður. Hér á landi eru enn í notkun hjá slökkviliðum brunaslöngur af þessari gerð frá árinu 1962.
Guardman brunaslangan er gerð til að vinna með við nánast allar aðstæður ekki aðeins sem brunaslanga en líka fyrir flutning á ýmsum vökvum, um borð í bátum og skipum, á úthafinu, iðnaði og landbúnaði. Guardman hefur flestar viðurkenningar eins og m.a. Siglingastofnunar, Norsk Veritas, Loyds ofl. Prófaðar samkvæmt eftirfarandi stöðlum NS 4016 – 4018, SS 2840, DIN 14811, NEN 2242, BS 6391 type 3

Tafla með upplýsingum um Guardman brunaslöngur

Getex hvítar brunaslöngur eru úr gerfiefnum ofnar úr sterkum polyester þræði og eru að innan húðaðar með EPDM gerfigúmmíi. Getex brunaslöngur hafa viðnám gegn ýmsum efnum, ozoni, vatnsrofi ofl. og eru meðfærilegar við allar loftslagsaðstæður, -40°C til +90°C og eru sérstaklega mjúkar. Getex er mjög sterk brunaslanga og á langan líftíma við erfiðar aðstæður. Við erum með þessa gerð í 15, 20, 25, 30 og 60 m. lengdum.

Martex hvítar brunaslöngur eru úr gerfiefnum ofnar úr sterkum polyester þræði og eru að innan húðaðar með EPDM gerfigúmmíi. Martex brunaslöngur eru meðfærilegar við allar loftslagsaðstæður, -40°C til +90°C og eru sérstaklega mjúkar. Martex brunaslöngur eru í samræmi við norska staðla NS 4016 – 4018 og BS 6391 type 1. Eins eru þær viðurkenndar af Det Norske Veritas, Norwegian Maritime Directorate Noregi, National Maritime Administration Svíþjóð, Danish Maritime Authority Danmörku, Department of Transport Maritime Directorate Englandi, Maritime Register of Shipping Fyrrum Sovétríkjum, Bureau Veritas Frakklandi, Marine Directorate Bretlandi og Lloyd’s Register of Shipping Bretlandi. Slöngurnar hafa ennfremur EU Wheel-Mark viðurkenningu.

VIÐ VÍRBINDUM STORZ TENGI Á SLÖNGUR OG Á BARKA SETJUM VIÐ KLEMMUR EÐA KLEMMUVÍRUM. Við slönguvírun lóðum við enda. Á barka setjum við einnig Sikaflex kítti til þéttingar.

Mandals Mantex háþrýstislöngur eru gerðar úr PVC gerfivefnaði sem er þakinn olíuvörðu gúmmíi sem þrýst er inn í vefnaðinn með sérstakri aðferð. Mandals Mantex háþrýstislöngur eru léttar, mjúkar og flatar slöngur. Slöngurnar henta sérstaklega vel við mikla notkun, erfiðar aðstæður, hafa langan líftíma, auðvelt að flytja og koma fyrir (rúlla út). Í slöngunni er lágmarks viðnám og hentar einstaklega vel við að flytja mikið þrýstiloftsmagn yfir langar vegalengdir. Mandals Mantex hefur mikið viðnám gagnvart olíum, mörgum efnum og einstök í heitu loftslagi og eins við kaldar aðstæður (-300C til 70°C). Mandals Mantex fæst í 30 og 60 m lengdum og hægt að fá í lengdum allt að 200 m.

 

Við eigum samstarf við fyrirtæki sem framleiðir brunaslöngur eins og þær sem við höfum flutt inn í áratugi frá Evrópu. Hráefnið þ.e gúmmíið í slöngurnar er frá Noregi og vefstólar sen slöngurnar eru ofnar í einnig.

Slöngurnar koma tilbúnar með ásettum víruðum Storz A, B eða C Din tengjum í stærðunum C52 og B75 og A110. Slöngurnar fást í stærðunum 1 1/2", 1 3/4" (45mm), 2", 2 1/2", 3" og 4".

 

 

 

 

 

Ningbo, rauðar gúmmíhúðaðar að utan og innan. Slöngurnar eru í 20 m. rúllum með ávíruðum Storz tengjum í Din staðli. Uppfylla BS6931 Type 3 staðalinn. Slöngurnar eru polyester ofnar og nítrílgúmmílagðar að utan og innan með sérstakri aðferð þar sem gúmmíinu er þrýst í gegnum vefnaðinn.

Innra þvermál		Sprengiþrýstingur bar	Þyngd gr/m
Tommur	mm
1 ½”	38 + 2,0	48	180
1 ¾”	45 + 2,0	48	210
2 “	51 + 2,0	48	270
2 ½”	65 + 2,0	48	320
3”	75 + 2,0	48	400
4”	100 + 2,0	48	650
Vinnuþrýstingur = 1/3 af sprengiþrýstingi eða 16 bar

 

 

 

 

 

 

 

Ningbo. Ofnar hvítar með gúmmíhúð að innan. Slöngurnar eru polyesterofnar og síðan gúmmíhúðaðar að innan með nítrílgúmmíi. Slöngurnar eru í 20 m. rúllum með áfestum víruðum Storz tengjum í Din staðli. UL listaðar.

 

Efst á síðu