Rafhlöður í talstöðvar slökkviliða ?

Fyrir nokkru var tekin í notkun í dótturfyrirtæki okkar samsetningar og suðuvél til að útbúa rafhlöðu pakka í ýmis tæki og tól. Ásamt því hófum við innflutning á hleðslurafhlöðum í ýmsum stærðum frá nýjum birgja á mun betra verði en við gátum áður boðið.
Til þessa hafa tilbúnir pakkar verið keyptir erlendis frá en með þessari vél og úrvali rafhlaðna af mörgum stærðum og gerðum þá getum við útbúið pakka að öllu leyti sjálf.

Ekki eru allar stærðir af hleðslurafhlöðum komnar á lager en væntanlegar og sumar í takmörkuðu magni, sem við bætum svo við verði eftirspurn. Hleðslurafhlöður af Ni Mh og Ni Cd gerðum í stærðunum AA, AAA og AAAA. Eins stærðir eins og D, C, SUB C og A. Sumar með háum topp og aðrar með flatan topp í pakkagerð. Ýmsar sér stærðir eins og 1/3, 4/5, 2/3, 4/3 af ýmsum gerðum.  Sjá upplýsingar um hleðslurafhlöðurnar.

Sé mögulegt að opna rafhlöðupakkann, þá er eftirleikurinn oftast auðveldur, sé rétt stærð og gerð til af rafhlöðum. Oftast eru þær rafhlöður, sem notaðar eru mun aflmeiri, en þær sem fyrir voru. Það þarf að hugsa um, við hleðslu.

Eins eru á lager ýmis viðnám eins og hitaviðnám ef þau eru í pökkunum en oftast má notast við það sem fyrir er.