Við höfum selt þrjár slökkvibifreiðar frá Wawrzaszek

Renault Midlum. Verð frá 11,5 milljónum án VSK. 

Gífurlegur áhugi hefur verið á bifreiðum frá Wawrzaszek enda er verð og gæði með ólíkindum. Við höfum nú selt alls 5 bifreiðar frá þeim og þær tvær fyrstu sem komu til Brunavarna Árnessýslu og eru á Laugarvatni og í Reykholti hafa reynst í alla staði mjög vel.Kaup þeirra voru gerð í framhaldi af skoðun á kaupum á notuðum slökkvibifreiðum, smíði úr notuðu undirvögnum eða tankbifreiðum en vegna hagstæðs verðs, tækni og gæða urðu nýjar bifreiðar fyrir valinu. þetta voru bifreiða með einföldu ökumannshúsi á undirvagni af Renault gerð 420.19 4x4 þ.e. samskonar og við höfum nú selt til annarra sveitarfélaga. Þessar bifreiðar nefnast TLF6000/200 eða eru með 6.000 l. vatnstank og 200 l. froðutank. Dæla sú sama (Ruberg) eða 4.000 l/mín þ.e. öflugustu slökkvidælur sem eru í bifreiðum hérlendis. Þessar bifreiðar kostuðu um 13,4 milljónir án VSK í mars síðastiðnum.

Upplýsingar um verð þeirra bifreiða sem seldar hafa verið koma fram í samþykktum sveitarstjórna eða á heimasíðu okkar. Þau eru einstök og m.a. þess vegna sýna sveitarstjórnarmenn þessum málum mikinn áhuga því nú má eignast nýja slökkvibifreið fyrir brot af því sem áður var möguleiki og nú er kostur á að kaupa til framtíðar. Ekki gamalt notað og úr sér gengið heldur nýtt og af þeirri gerð og stærð að hugsað er til framtíðar. 

Margar gerðir og stærðir eru fáanlegar en við höfum lagt áherslu á ákveðnar gerðir og undirvagna. Allt í samræmi við óskir slökkviliða og þekkingu okkar eftir öll okkar ár í þjónustu við slökkviliðin í landinu en það losar 31 ár. Wawrzasek hefur tekið óskum okkar vel um breytingar og smíði í samræmi við við kröfur og menningu slökkviliða hérlendis og má segja að hér sé enn á ferðinni íslenskt hugvit þó smíði fari fram erlendis. Það á við í mörgum tilfellum.

Hér koma svo teikningar af ýmsum gerðum slökkvibifreiða.

TLF6000/200 Renault Kerax 420.19 4x4 4.100mm. Einfalt ökumannshús 6.000 l. vatnstankur. 5 skápar.

TLF4000/200 Renault Kerax 420.19 4x4 4.100mm. Tvöfalt ökumannshús 4.000 l. vatnstankur. 7 skápar.

TLF4000/200 Renault Kerax 420.19 4x4 4.100mm. Tvöfalt ökumannshús 4.000 l. vatnstankur. 5 skápar.

TLF3000/200 Renault Kerax 420.19 4x4 4.500mm. Tvöfalt ökumannshús 3.000 l. vatnstankur. 7 skápar.

TLF5000/200 Renault Kerax 420.19 4x4 4.500mm. Tvöfalt ökumannshús 5.000 l. vatnstankur. 5 skápar.

Vekjum athygli á að teikningar þessar eru eign Wawrzaszek og öll eftirprentun eða eftiröpun óleyfileg.