Class A slökkvifroða

Í stuttu máli eru svörin þau (1) Efnið er ekki það sama heldur hefur það verið þróað úr því efni sem notað hefur verið um árabil dreift úr þyrlum og af slökkviliðum í skógareldum. (2) Nei það er ekki sama efnið og Fire-Out þó eiginleikar geti verið svipaðir við mismunandi blöndun. (3) Nei efnið nýtist ekki á eldfima vökva. Þar á að nota léttvatn eða prótein byggðar slökkvifroður. Class A skilar góðum árangri á tré, pappír, efni, gúmmí og plast. (4) Viðurkennt efni er vænt umhverfinu. (5) Já nota við æfingar til að kynna fyrir slökkviliðsmönnum blöndunarmöguleika og dreifingu. (6) Efnið sparar vatn og bælir eld fyrr sérstaklega við aðstæður þar sem erfitt er að komast að. (7) Nei blöndunin er önnur t.d. 0,1% til 1% en blöndun léttvatns er t.d. 1% til 6%. (8) Möguleikar á blöndun eru nokkrir eins og í tank en það hefur óhagræði í för með sér eins og slit á dælu og óþrifnað, blandarar af hefðbundinni gerð sem ná undir 1% blöndun og fyrir mikinn þrýsting og svo íblöndunaraðferð framleiðanda sérstaks búnaðar sérstaklega fyrir class A slökkvifroðu. (9) Enga sérstaka stúta þarf en betri árangur næst með sérbyggðum stútum sem draga loft, sambyggða frðoðu og þoku stúta. (10) Margar gerðir af class A slökkvifroðu er á markaðnum og nauðsynlegt að hún sé af viðurkenndri gerð. Viðurkenndar gerðir hafa ekki eins mikil tæringaráhrif á stál, kopar og ál. Hinar hafa það. (11) Þessar skammstafanir skýra vinnsluna þ.e. efninu þrýst eða sogið í vatnið og loftað. Raksápa er ágætur samanburður. (12) Margir eldar slökktir fyrr eins og í gúmmíi, heyi, mosa ofl. Minni upphreinsun. Minni kostnaður.

Task Force Tips er framleiðandi úðastúta og úðabyssa sem taldar eru þær bestu í heimi. Mjög virtur framleiðandi og býður mikið úrval. M.a. notenda hérlendis er slökkviliðið á Keflavíkurflugvelli, Sauðárkróki, Bolungarvík og eflaust fleiri.

Frá TOTAL WALTHER höfum við í mörg ár flutt inn slökkvifroður og léttvatn af ýmsum gerðum og velflest slökkvilið í landinu eru viðskiptamenn okkar. Frá TOTAL WALTHER getum við boðið Class A slökkvifroðu sem heitir SILV-EX G. Hún er fáanleg í 25 l. og 200 l. tunnum. Verð pr. l. er aðeins hærra en á MB15 en það er sú slökkvifroða sem flestir nota. Sú slökkvifroða þolir –15°C en Silv-Ex G –8°C. Þegar upp er staðir er Silv Ex G mun ódýrari þar sem blöndun er m.a. aðeins 1/10 af hefðbundinni froðu. Hér er líka hluti skýringar á umhverfisþættinum. Notkun er aðeins 1/10 til samanburðar við önnur slökkviefni. 90% efnisins brotnar niður í nátturinni. Þó froðan sé umhverfisvæn er hún ekki hættulaus mönnum frekar en aðrar gerðir.