Opnun tilboða í sjúkrabifreiðar

Í þar síðustu viku voru opnuð tilboð í sjúkrabifreiðar og tókst okkur að vera þar með hæsta tilboðið, en þó voru allir undir kostnaðaráætlun.

Ýmislegt kom á óvart og eins hver staðan er eftir síðasta útboð, sem var í byrjun síðasta árs. Þá átti að afhenda 7 VW bifreiðar um miðjan desember, en eftir því sem best er vitað er engin bifreið tilbúin að öllu leyti. Sú bifreið sem við höfum séð er ekki útbúin eins og upptalið var í kröfulýsingu. Heimildir eru til breytinga á byggingarferli, en nokkuð sérstakt var að sjá m.a., að sæti við höfðagafl er ekki í þeirri bifreið, sem við sáum. Það þótti mikilvægt að hafa sætið. Eflaust til skýringar á því.

Útboðsgögnin voru nánast alveg eins þ.e. fyrir minni bifreiðarnar. Það sem var öðruvísi nú voru breyttar almennar kröfur þess, sem sá um útboðið og nú var eins og var fyrir nokkrum árum verðið, sem réði úrslitum þ.e.a.s. 100% verð en ekki 80% verð og 20% eiginleikar bifreiðar (undirvagnsins), eins og var í síðasta útboði. Aldrei hefur frágangur eða hönnun sjúkrarýmis og þess þáttar, sem yfirbyggjandinn framkvæmir verið tiltekið.

Eins og áður tryggir kaupandi 80% af gengismun. Það þýðir einfaldlega, að þátttakendur þurfa að tryggja sig fyrir 20% gengisfalli, sem þýðir hærra verð og ávinningur kaupanda, ef gengi styrkist er ekki 100% heldur 80%.

Hér á eftir er tafla yfir bjóðendur og röð þeirra. Boðið var með tilvísun í gengi, en ekki hvert gengið var virðist vera og útbjóðandi taldi sig ekki þurfa að lesa upp gengistöluna eins skrítið og það er. Ekki einu sinni tllvísun í gengi, né hver gengisupphæðin er.

Í útboðsgögnum kemur fram að taka skal hagstæðasta tilboði eða hafna öllum ef ástæða þykir. Við lítum þá svo á að velja þarf lægsta tilboðið og það tekið í heild sinni.

Eftirfarandi eru áhugaverðar staðreyndir.

Kostnaðarverðið á minni bifreiðunum útgefið af  RkÍ er 12% lægra en í fyrra.

Gengið er tæplega 4% lægra en í fyrra.

Fastus sem var samkvæmt upplestri með lægstu verð bauð 15% lægra verð en í fyrra á minni bifreiðinni.

Lægsta tilboðið (Fastus) er 16,5% lægra á minni bifreiðinni og 14,2% lægra á stærri bifreiðinni en uppgefið kostnaðarverð.

Ósland sem var í öðru sæti með ISOL tilboð sitt bauð nú 8% lægra verð á minni bifreiðinni en í fyrra