Söluherferð

18.11.2005
Undanfarið hefur einn slökkvitækjasalinn verið á "húninum" hér í höfuðstaðnum í söluherferð á slökkvitækjum og þjónustu. Boðinn er 15% afsláttur af þjónustu slökkvitækja og 20% afsláttur á nýjum slökkvitækjum. Þetta tilboð er í gildi til áramóta.

Eitt er að gera vel og eitt er að bjóða afslátt og eitt er það hvað kostar varan endanlega./

Venjulegt verð okkar án allra afslátta á slökkvitækjum er lægra en auglýst verð hjá viðkomandi slökkvitækjasala allan ársins hring. Ennfremur eru hér verð á þjónustu slökkvitækja hjá okkur.

Til dæmis er verð á 2 kg. duftslökkvitæki hjá okkur á kr. 5.027 en hjá viðkomandi slökkvitækjasala á kr. 5.032 með 20% tímabundnum afslætti. Munurinn heilar kr. 5. Væntanleg eru til okkar 2 kg. dufttæki um mánaðarmót sem munu kosta kr. 4.146 og þá er munurinn kr. 886.

Hægt er að nefna fleiri tæki eins og 6 l. léttvatnsslökkvitæki sem er á kr. 7.593 hjá okkur en með 20% tímabundnum afslætti hjá viðkomandi slökkvitækjasala á kr. 7.869 eða munur um kr. 276.

Stundum blindar há afsláttartala og menn gleyma að skoða hvað varan kostar í raun.

En framtakið er lofsvert að heimsækja alla húna í borginni og vekja athygli á eldvörnum. Það er aldrei of oft gert. En þetta kostar sitt.

Til baka