Tvær slökkvibifreiðar fyrir Flugmálastjórn eru komnar til landsins

20.07.2001
Bifreiðarnar eru komnar til landsins eins og sjá má á myndum hér á síðunni. Þær verð tilbúnar til afhendingu í næstu viku ef allt gengur eins og það á að gera.
Bifreiðarnar eru smíðaðar á MAN 19.414 undirvagna hjá Rosenbauer AS í Noregi, sjálfskiptar með sídrifi og einföldu ökumannshúsi. Dælurnar afkasta 3000 l/mín við 10 bar og 3 m. soghæð og eru með Fix-Mix froðukerfi 1-3-6%. Rosenbauer RM25E fjarstýrður þakstútur (monitor) gefur 2500 ltr./mín. Vatnstankur er 6.100 l. og froðutankur 610 l. Sérstök ljós á hliðum bifreiðanna sýna vatnsmagn í vatnstanki. UNIPOWER 7kW rafall er við vél bifreiðanna fasttengdur við 2 x 1000W ljósamastur. Í hliðarrennum eru þrjú öflug vinnuljós.






Hitaelement er í vatnstanki og skápar upphitaðir. Ýmislegt fleira er í bifreiðunum.



Ýmsar innréttingar og búnaður eru í bifreiðunum eins og reykköfunarstóll í farþegasæti, HOLMATRO björgunarbúnaður, WIMUTEC björgunarsagir, slöngurekkar fyrir GUARDSMAN (ARMTEX) 42mm. 3" og 4" slöngur, hillur, verkfæraveggir, útdraganlegir pallar fyrir SCOTT reykköfunartæki og kúta, NOR 10m. brunastigar, AWG 4 ½" barkar, Handlínur með Rosenbauer RB110 úðastútum og HD38 50 m. brunaslöngum, CASTEK Úðastútar, FLEXI Vinnupallastigar, LPTC duftkúlur, TOTAL froðustúta, PENSI sjúkrabörur, PENSI fyrstu hjálpar töskur, PENSI súrefnisgjafarbúnað, JOCKEL slökkvitæki ofl. ofl.

Einnig verða bílarnir búnir sjálfvirkum loftstýrðum lokum á handlínum. Þessi búnaður ásamt fjarstýrðri byssu á þaki og fjarstýringu dælu frá ökumannshúsi gerir það að verkum að við slökkvistarf þarf einungis 2 menn.

Til baka