Nýjar gerðir af Jockel slökkvitækjum

Við vekjum athygli á tveimur nýjum gerðum af Jockel slökkvitækjum, sem við öfluðum okkur upplýsinga um á Rauða hananum. Nú er það spurning hvort einhver eftirspurn er eftir slíkum tækjum hér.
Hér er um að ræða tvær gerðir slökkvitækja.

Önnur gerðin F 2ja l. er fyrir heimili og er á A , B og F elda sem eru feitis og olíueldar. A er táknið fyrir timbur og pappir, B fyrir eldfima vökva en F-ið eru feitis og olíueldar. Þessi F tæki eru líka fáanleg í stærðunum 3ja l. og 6 l. og eru þá ætluð í t.d. veitingaeldhús. Sem dæmi má nefna að 2ja l. tækið hefur slökkvigetu 5A, 34B og 40F og 6 l. tækið 13A, 113B og 75F. Þessi tæki þola allt að -30°C.

Hin gerðin GEL er á plastefni og ýmsan iðnaðarúrgang og er því aðallega hugsað fyrir plastiðnað, sorp og endurvinnsluiðnað. Þau tæki eru 6 l. og 9 l. Efnið er kannski ekki ósvipað léttvatni og kælir og myndar teppi yfir brennanlega hluti. Líka notað til að fyrirbyggja bruna með því að úða yfir brennanlegt svæði.