SHS tekur Holmatro Core í þjónustu sína

Slökkvilið höfuðborgarsvæðisins hefur nú breytt nokkrum Holmatro settum í eigu sinni svo þau eru nú öll með einni Core vökvaslöngu. Það var ekki ætlunin að gleyma að minnast á þetta en þetta hefur allt haft sinn gang og nú hefur hringnum hér í kringum höfuðborgina verið lokað þ.e. slökkviliðin á Akranesi, í Hveragerði, í Keflavík, í Borgarnesi og svo höfuðborgarsvæðisins hafa nú öll komið sér upp Holmatro búnaði með Core tækninni. Eins og fram hefur komið er Core tæknin einstök og einfaldar og flýtir allri björgunar- og klippivinnu. Umsagnir þeirra sem vinna með þennan búnað eru allar á einn veg. Frábær og einstakur búnaður.

Innan skamms mun björgunarlið á Norðurlandi fá til sín Holmatro Core sett og er það sett byggt upp á sama hátt og þau sett sem við höfum undanfarið selt þ.e. valið saman það allra öflugasta svo hægt sé að fást við verkefni af öllum stærðum. SHS á einnig von á öflugustu klippunum í eitt settið sitt. Einnig eru lið um land allt að bæta inn í settin sín og gera þau þannig öflugri.

Lesið frekar um Core kerfið og tæknina.