Innnes

Eins og við minntumst á þá fengum við heimsókn frá Weenas í síðustu viku. Okkur langar til að leyfa ykkur að sjá myndband sem okkur áskotnaðist en þar er verið að fást við kirkjubruna í Svíþjóð.

Við erum þessa dagana að ganga frá sendingu á nokkrum gerðum slökkvitækja og eldvarnateppa frá Kína. Í öllum tilfellum munum við bjóða betra verð en við höfum hingað til getað boðið á svipuðum eða sambærilegum tækjum og búnaði. Við biðjum þá sem vilja vera í samvinnu við okkur í árvissri sölu um jólin að hafa samband sem fyrst.

Í vikunni nánar tiltekið á fimmtudag fáum við heimsókn frá Weenas AS en frá þeim kaupum við hlífðarfatnað þann sem vð höfum boðið og selt undanfarin fjögur ár úr Pbi Kelvar og Nomex efnum.

Nú undanfarin ár hefur aukist verulega sala á 42mm Guardman (gulum) brunaslöngum sem notaðar eru í stað 38 mm (1 1/2") rauðra brunaslangna. Guardman er nýtt nafn á Armtex brunaslöngum og eru framleiddar í Noregi af Mandals AS (sem áður hét Mandal Reberbane AS). Slöngurnar eru gúmmíhúðaðar að utan sem innan en ekki klæddar plastfilmu eins og aðrir framleiðendur bjóða. Ending slíkra slangna er ekki sambærileg.

Fyrir stuttu var afhent slökkvibifreið af Rosenbauer Panther 6 x 6 gerð til slökkviliðsins á Kastrup flugvelli. Þetta er fyrsta bifreiðin af þremur sem þeir eiga að fá.    

Flugstoðir hafa nú fengið Scott Propak reykköfunartæki í eina af flugvallabifreiðum sínum.

Rosenbauer hefur sett velflesta varahlutalista á heimasíðu sína  yfir m.a brunadælur og stærri tæki.

Fyrr í mánuðnum fékk Slökkvilið Hornafjarðar beltistöskur með búnaði og einnig Leathermann hnífa fyrir sína slökkviliðs- og sjúkraflutningamenn.

Slökkvilið Akureyrar hefur eins og svo mörg slökkvilið bæði atvinnulið og sjálfboðalið hérlendis valið Wenaas eldfatnað í Pbi Kelvar efnum og einnig í Nomex efnum.

Í síðustu viku fékk Slökvilið Húnaþings vestra á Hvammstanga Holmatro Core björgunartækjasett. Settið samanstendur af Holmatro björgunartækjum af 4000 gerðinni í Core kerfinu.  Nýjar klippur af stærstu gerð, glennara, tjakk og dælur tvær af PPU 15 gerðinni ásamt nauðsynlegum slöngum.