Innnes

Slökkvilið Akureyrar fær Cutters Edge keðjusög. Í dag sendum við frá okkur Cutters Edge keðjusög af gerðinni CE-2171RS en þetta er fyrsta sögin sem við seljum af þesssari gerð.

Í gær var undirritaður samningur við Langanesbyggð um FLF 3000/300 Renault Midlum 16 tonna 4x4 sídrifs slökkvibifreið sem byggð verður hjá Wawrzaszek í Póllandi. Bifreiðin er með 280 hestafla vél og Allison 5 gíra sjálfskiptingu. Bifreiðin verður byggð sem húsabruna og flugvallaslökkvibifreið til að þjóna einnig á flugvellinum á Þórshöfn.

Okkur voru að berast niðurstöður úr kerruútboði Brunamálastofnunar en ákveðið var að taka tilboði Sigurjóns Magnússonar ehf. eins og fram kemur hér að neðan.

Í frétt Morgunblaðsins og Skessuhorns í dag kemur fram að Bjarna hafi verið veitt viðurkenningin Vestlendingur ársins 2006 en eins og allir slökkviliðsmenn vita er Bjarni slökkviliðstjóri í Borgarnesi (Borgarbyggð).

Nú líður að áramótum. Við viljum þakka viðskiptavinum okkar fyrir viðskipti, samstarf og samvinnu á árinu. Þetta ár var annríkt og að sama skapi árangursríkt. Það getum við þakkað viðskiptavinum og starfsmönnum.

Einstæð fjögurra barna móðir missti allt sitt í eldsvoða á Þorláksmessu. Engum tryggingum var til að dreifa. Svona hljómar fyrirsögn í Morgunblaðinu í dag. Hafin hefur verið söfnun fyrir fjölskylduna og þeir sem vilja leggja henni lið er bent á bankareikninginn 1152-26-1277 kt. 300377-5569.  

Nú 20. desember fékk Grunnskólinn í Borgarnesi Pensi burðarstól fyrir fatlaða einstaklinga sem nota á ef þörf verður á að rýma skólahúsnæðið tafarlaust.

Ágætu viðskiptavinir Við óskum ykkur og fjölskyldum ykkar gleðilegra jóla og friðsældar um hátíðina.

Nú í desember hefur verið óvenjumikil sala á slökkvitækjum, reykskynjurum og eldvarnateppum. Við vorum nokkuð vel viðbúnir en urðum þó uppiskroppa með 6 kg. duftslökkvitæki fyrir nokkrum dögum.

Í dag var opnað útboð fyrir Rauða kross Íslands á sjúkrabifreiðum. Það fór eins og við höfðum ímyndað okkur að viðskiptavinur RkÍ til nokkurra ára nú, er í lægstu sætunum og býður nú undir þremur nöfnum og þá líklega þremur kennitölum.