Fréttir

RAUÐI HANINN 2005 Akron Brass voru með þó nokkrar nýjungar á sýningunni. Þeir framleiða úðastúta, úðabyssur, loka og ýmislegt annað en eiga jafnframt önnur fyrirtæki sem framleiða ýmsan annan búnað fyrir slökkvilið og björgunarsveitir eins og ljóskastara, verkfæri, axir, krókstjaka ofl.

RAUÐI HANINN 2005 Scott Health and Safety sýndi evrópskar útfærslur á Scott tækjunum en Scott er nú í eigu Tyco sem á einnig Sabre Com frameiðanda Sabre reykköfunartækja. Evrópska útfærslan sem fylgir EN staðli er sambland af Scott og Sabre m.a. er maski frá Sabre. Í boði eru nokkrar gerðir eins og AirPack Fifty sem við þekkjum vel, Propack, Contour, Iris með Sabre maska og innbyggðu fjarskiptakerfi. Fjarskiptakefið er frábrugðið fjarskipakerfum hjá öðrum framleiðendum þar sem setja þarf upp endurvarp en Scott notar hverja stöð sem endurvarp þannig að hver sá sem er með stöð er endurvarp um leið.

RAUÐI HANINN 2005 Allir þeir slökkvitækjaframleiðendur sem við eigum samskipti við voru á sýningunni. Feuershutz Jockel sýndu allar gerðir slökkvitækja sem þeir framleiða. Nokkuð var um nýjungar en spurning hvað við getum boðið af þeim hérlendis vegna mikillar verðsamkeppni þar sem samanburður liggur ekki í slökkvieiningum og öðrum gæðum tækjanna. En við munum innan skamms koma með á markaðinn einstaklega ódýrt 6 kg. ABC dufttæki með mæli og 1s og 2ja kg. ABS slökkvitæki með mæli í bílfestingu á all verulega betra verði en það sem við bjóðum í dag. Tækin verða með íslenskum leiðbeiningum og mjög vönduð. 1s og 2ja kg. tækin verða með sama slökkvimátt og þau tæki sem við bjóðum í dag.

RAUÐI HANINN 2005 Holmatro sýndi og sannaði enn einu sinni að þeir bera höfuð og herðar yfir aðra framleiðendur björgunartækja.

RAUÐI HANINN 2005 Protek Manufacturing Company sýndu úðastúta, úðabyssur, froðubúnað og ýmis greinistykki og slíkt.

Tohatsu sýndu nokkar gerðir af lausum dælum og m.a litla og netta dælu sem skilar um 650 l/mín við 5 bar og 3ja m. soghæð. Eins sýndu þeir úðastút sem fjarstýrir dælu þ.e. hægt er að ræsa og drepa á dælu frá stút. Tohatsu hefur framleitt dælur með loft eða vatnskældum tvígengisvélum í um 70 ár. Nokkrar dælur eru hérlendis en ekki margar. Við komumst að samkomulagi um beinan innflutning og getum boðið nokkuð góð verð viljum við ætla og nefnum þau hér á eftir. Við bendum ykkur á að skoða upplýsingar um Tohatsu dælur á heimasíðu okkar.

Eins og venjulega slær Rosenbauer öllu við. Á sýningunni komu þeir fram með aðeins 18 nýjungar.  Hér að neðan teljum við hluta upp en við mynduðum ekki allt en eigum bæklinga sem við erum að hluta til búnir að skanna inn. ÞAð sem ekki er nefnt hér að neða er m.a. Nýtt og nákvæmara froðublandarakerfi \"DIGOIDOS\" sem vinnur með allt að 0,1% blöndun, nýjar gerðir af froðubyssum sem eru afkastameiri en eldri gerðir en samt svipaðar að stærð, nýjan rafeinda stýribúnað á brunadælur hvort sem þær eru lausar eða í bifreiðum, hitamyndavélar, hanska, leðurstígvél, hlífðarfatnað og margt margt fleira.

W.Ruberg AS sýndu á sama stað og ISS- Wawrzaszek brunadælur í slökkvibifreiðar en Ruberg hefur framleitt brunadælur frá 1932. Á sýningunni voru sýndar allar gerðir og nýjung svonefnd Euro-Line sem er afkastamikil, hljóðlát dæla með flata dælukúrfu sem að vísu flestar ef ekki allar gerðir Ruberg dælna eru með. Við bendum ykkur á að skoða upplýsingar um Ruberg dælur á heimasíðu okkar.

Wawrzaszek sýndu 7 bifreiðar á útisvæði. Mjög vandaðar bifreiðar og voru 3 þeirra með trefjaplastyfirbyggingu. Þar mátti sjá undirvagna af Renault Mascott og Kerax gerð ásamt Scania, MAN og Benz. Eins var sýndur óeirðabíll. Allar brunadælur í slökkvibifreiðunum eru af Ruberg gerð.

Rauða hananum 2005 er lokið en 1.385 sýnendur kynntu vörur sínar og þjónustu á 93.124 m2. 55% sýnenda voru Þjóðverjar en aðrir sýnendur voru frá 46 löndum. Má þar nefna 76 frá Bretlandi, 69 frá Bandaríkjunum og 57 frá Ítalíu. Frá nýju EB löndunum voru m.a. 23 frá Póllandi og frá Asíu voru 48 sýnendur frá frá Kína. Þetta eru svona helstu tölur en við Íslendingarnir sem sóttum sýninguna vorum um 200 talsins eftir því sem við komumst næst sem er um 0,07% íslensku þjóðarinnar. Svíar voru um 1.500 en þeir hefðu þurft að vera 6.100 til að slá okkur við. Svona erum við alltaf bestir.