Innnes

Eins og við kynntum fyrir skömmu þá var það ætlun okkar að koma með nýja gerð af Jockel 6 kg. duftslökkvitækjum PB6LJM á mjög góðu verði. Við eigum þessi tæki væntanleg nú í vikunni og verða þau til afgreiðslu undir lok vikunnar eða strax í byrjun næstu. Sjá nánari upplýsingar

Við höfum hugsað okkur að setja inn á heimasíðuna upplýsingar til þeirra aðila sem þjónusta slökkvitæki okkar þar sem allir fá ekki dreifibréf okkar um nýjungar eða breytingar þar sem þeir eru ekki í viðskiptum við okkur á slökkvitækljum. Þannig geta þeir aðilar fylgst með breytingum á eftirliti og þjónustu á þeim slökkvitækjum sem við flytjum inn.

RAUÐI HANINN 2005 Peli Products S.A. var með myndarlegan bás á sýningunni. Við höfum þegar fengið á lager nýjar gerðir ljósa m.a. reykkafaraljós Little Ed sem er mjög öflugt og nett ljós fyrir reykkafara. Verð er mjög hagstætt eða kr. 4.960,00 án VSK. Við tókum ljósið í útfærslu þar sem með fylgja 4 stk. Alkaline AA rafhlöður. Ljósið vegur aðeins 280g.

Frá Lichtfield vorum við að fá slökkvikerfi þ.e. duftkúta eða kúlur 135 og 180 kg. sem eru fyrir bifreiðar í eigu Flugmálastjórnar. Eftir eigum við 135 kg. duftkúta sem við viljum bjóða slökkviliðum ef áhugi er fyrir hendi. Það pláss sem þarf er 130L x 87B x 80H sm. Hér er um að ræða tvo kúta sem hvor um sig er með 67,5 kg. af ABC slökkvidufti.

RAUÐI HANINN 2005 Profile finnski sjúkrabifreiðaframleiðandinn sýndi í samvinnu við De Vries sem er hollenskur umboðsmaður þeirra. Það er eins og við höfum kynnst einstaklega vönduð framleiðsla og tæknileg og þær nýjungar sem Profile hafa komið með eru margar eins og rafbúnaðurinn Profile IWS sem hefur eftirlit með rafbúnaði bifreiðar og stýrir stórum hluta þess eftir fyrirfram forrituðm skipunum. Nokkrir slökkvibifreiðaframleiðendur hafa tekið þetta upp. Eins er með innréttingar í bifreiðunum. Sumir framleiðendur hafa fengið hugmyndir þaðan.

RAUÐI HANINN 2005 Trelleborg sýndi nokkrar gerði eiturefnafatnaðar. Fyrir sýninguna var svokallaður Trelleborgar fundur og voru þar kynntar nýjungar bæði varðandi eiturefnabúninga og tjöld. Trelleborg er nokkuð stórt fyrirtæki sem framleiðir ýmsan varning þar á meðal dekk ofl. Trelleborg fann um tjaldið sem haldið er uppi af loftsúlum og kynnti nú algjöra nýjung þar sem súlur eru að utan. Önnur lokun milli tjalda, mun þéttari og líkja má tjaldi við stóran eiturefnabúning . Sjáið bækling.

RAUÐI HANINN 2005 Res-Q-Jack björgunarstoðirnar voru sýndar í bás Lancer björgunartækjaframleiðandans. Þeir ætla að markaðssetja Res-Q-Jack á meginlandinu og verða þær þá rauðar á lit en þær sem við höfum flutt inn eru gular og verða svo áfram þar sem kaupum þær beint frá framleiðanda.

RAUÐI HANINN 2005 Við höfum í nokkur ár flutt inn og selt Ramfan blásara bæði reykblásara og yfirþrýstingsblásara. Ramfan var með sýningarbás og hafa þeir komið upp lager í Evrópu sem við pöntum nú frá. Það var tiltölulega stuttur afgreiðslufrestur en ætti að styttast enn frekar. Ramfan framleiðir blásara fyrir allmarga sem selja síðan undir sínu nafni. Það sést auðveldlega hvaðan hver blásari er upprunalega. Verð hefur ávallt verið hagstæðast á Ramfan blásurum.

RAUÐI HANINN 2005 Eitt það allra merkilegasta sem ég sá á sýningunni var Storz tengjakerfi sem snýr ofan af sér. Þetta eru venjuleg Storz tengi en útbúin á þann hátt að þegar slöngur eru tengdar snúnar og þrýstingi hleypt á snúa tengin ofan af sér án þess að aftengjast. Tengin má nota aftur og aftur en til að setja tengin á slöngur þarf sérstakt áhald.

RAUÐI HANINN 2005 Akron Brass voru með þó nokkrar nýjungar á sýningunni. Þeir framleiða úðastúta, úðabyssur, loka og ýmislegt annað en eiga jafnframt önnur fyrirtæki sem framleiða ýmsan annan búnað fyrir slökkvilið og björgunarsveitir eins og ljóskastara, verkfæri, axir, krókstjaka ofl.