Innnes

Eins og við sögðum frá þá sóttum við China Fire 2008 sýninguna í Peking nú um síðustu mánaðarmót. Við höfum ekki áður sótt vörusýningar í annari heimsálfu, en vegna aukinna viðskipta okkar við Kína, var ákveðið að fara þrátt fyrir dökkar efnahagshorfur.

Um jólaleytið fáum við nýja gerð af kolsýrlings (kolmónoxíð) skynjurum frá Ningbo á góðu verði.

Við erum nokkur stödd þessa dagana í Peking á sýningunni China Fire 2008, en þar eru sýnendur víðs vegar að, en aðallega þó kínverskir og sýndar eru eldvarnarvörur og búnaður og bifreiðar fyrir slökkvilið.

Nú eru jólakort SKB komin í sölu á skrifstofu Styrktarfélags krabbameinssjúkra barna.  Einnig er hægt að panta kortin hér á hlekknum  á heimasíðunni (jólakortið hægra megin).  Boðið er uppá innáprentun fyrir fyrirtæki og félagasamtök.

Sökum verulegrar hækkunar á slökkvidufti höfum við leitað til annars birgja og getum nú boðið sambærilegt slökkviduft og við höfum áður verið með en á lægra verði.

Við höfum nú fengið allverulegt magn af 2ja kg. kolsýrutækjum frá Ningbo til afgreiðslu strax. Tækin eru á mun betra verði en þau tæki sem við eigum fyrir eða á kr. 11.118.

Við erum komin með nýja gerð af lyfjaskápum úr málmi með hurð úr gleri.  Við getum boðið betra verð á þessari gerð en er á þeim gerðum sem við erum með í dag.

Við höfum um árabil flutt inn og selt skápa fyrir slökkvitæki sem ætlaðir eru utan á stærri bifreiðar eins og olíuflutningabifreiðar, vöruflutningabifreiðar og vinnuvélar. Þessa skápa höfum við flutt inn frá Englandi og Þýskalandi.  

Vegna gengisfalls krónunnar okkar, höfum við neyðst til að hækka verð á öllum eldvarnavörum. Sá einsetningur okkar að lækka verð og kaupa hagstæðar inn er því fyrir bí í bili. En við höfum þó í verðhækkunum okkar vegna gengisfalls ekki hækkað eins mikið, eins og fall krónunnar hefur verið og þannig tekið þátt í að hægja á verðbólgu.

Á flugvöllin í Moss í Noregi er komin ný glæsileg flugvallaslökkvibifreið frá Egenes Brannteknikk AS af gerðinni Rosenbauer Panther 6x6. Fleiri Pantherar eru væntanlegir á flugvellina hjá frændum okkar á hinum Norðurlöndunum. Glæsilegur vagn og auðvita spenna menn beltin.