Fréttir

Fyrir örfáum mínútum var skrifað formlega undir samning um kaup á slökkvibifreið sem staðsett verður á flugvellinum á Egilsstöðum en bifreiðin er í eigu Flugmálastjórnar og Brunavarna á Héraði og kemur í stað slökkvibifreiðar sem við seldum þessum aðilum árið 1997 á flugvöllinn.

Hér eru upplýsingar um þéttibúnað frá Dönges sem við munum verða með á lager nú í janúar 2006. Sjá síðuna. Við munum á nýju ári leggja meiri áherslu á búnað til að eiga við spilliefnaslys og þessi búnaður sem hér er nefndur á síðunni er aðeins brot af því sem er í boði frá Dönges.

ið höfum endurbætt heimasíðu upplýsingar um Vetter lekabúnað, þéttingar, þrýstipúða, laugar, tanka og tjöld. Við eigum eftir að gera enn betur en nokkur eftirspurn var á þessu ári eftir slíkum búnaði og eru nokkur lið komin með slíkan búnað m.a Slökkvilið höfuð- borgarsvæðisins, Slökkvilið Alcan á Íslandi ofl.

Tilboði tekið í nýjan slökkvibíl fyrir Brunavarnir á Héraði og Flugmálastjórn. Sjá frétt hér

Hér eru teikningar af tveimur gerðum af kerrum eða vögnum sem báðar eru hugsaðar fyrir upphreinsi eða spilliefnavinnu. Vagnarnir eru með stillanlegt beisli og á fjórum hjólum. Fleiri gerðir af vögnum eru fáanlegar bæði stærri og minni og með mismunandi innréttingum. Þessar kerrur eru um 4 m. á lengdina og 2.50 m. á breiddina. Hæðin 2.95m. þar sem hugsunin var að þær væru manngengar fyrir þann sem sem þarf að skipta um föt eða fara í sturtu vegna vinnu sína.

Fyrir stuttu kom út Slökkviliðsmaðurinn og voru í mjög svo góðar greinar. M.a. var fjallað um ýmsan slökkvibúnað, hagsmunamál slökkviliðs og sjúkraflutningamanna ofl. Greinarnar voru skrifaðar á allt annan hátt en áður og ýmislegt nýtt á ferðinni. Má þar nefna skrif um rétta notkun slökkvitækja, ástand eldvarna hjá ungu fólki, eldvarnir á heimilum, eldvarnarátak, margmiðlunardisk og upplýsingarit frá SHS. Allt mjög fróðlegt og eins og áður sagði sett fram á nýjan hátt enda kominn tími til.

Okkur var rétt í þessu að berast eftirfarandi tilkynning frá Ríkiskaupum.   Ágæti viðtakandi Það tilkynnist yður hér með að ákveðið hefur verið að taka tilboði frá Ólafi Gíslasyni & Co hf með, ISS-ARRF 6100/610 6x6 slökkvibifreið að upphæð kr. 21.683.081,-, sem hagkvæmasta gildu tilboði í ofangreindu útboði.

Slökkvilið Akureyrar hefur opnað þá allra glæsilegustu íslensku heimasíðu sem undirritaður hefur séð til þessa þar sem fjallað er um brunamál. Hjartanlega til hamningju með þetta frábæra framtak. Sérstaklega vönduð síða og mikill fróðleikur. Útlit síðunnar er einstklega notendavænt. Margt að sjá m.a. sögumyndir sem rifja upp fyrir manni hvernig menn litu út sem ungir menn fyrir mörgum hárum. Hér getið þið skoðað síðuna.

Í nýjasta tímariti Utrykning Nr. 4 2005 er ISS Renault Mascot frá Wawrzaszek í Póllandi á forsíðu. Í nóvember í fyrra birtist grein um þessar bifreiðar sem voru þá á sýningu í Svíþjóð (sjá frétt). Við kynntum þessar bifreiðar í lok september síðastliðnum (sjá kynningu).

Úrskurður Kærunefndar útboðsmála í kæru okkar um þá ákvörðun Ríkiskaupa að taka tilboði Múlatinds ehf í útboði Ríkiskaupa nr. 13790 hefur verið birtur okkur. Hann hljóðar eins og fyrri úrskurðir að kröfum okkar er hafnað. Hér má lesa um úrskurðinn. Það sem kemur mér mest á óvart í þessum úrskurði er niðurlagið þar sem kærunefndin kemst að eftirfarandi.