Fréttir

Við höfum fengið á lager þær gerðir af úðastútum og byssum sem kynntar voru í byrjun september síðastliðnum og afgreitt til þeirra sem gert höfðu pantanir í þessa fyrstu sendingu. Dreifibréf með kynningarverðum var sent þann 11. september til slökkviliðanna. Ef þið hafið áhuga á einhverjum gerðum látið okkur vita. Við eigum ennþá flestar gerðir nema Saberjet gerðina. Hún seldist upp og er væntanleg önnur sending fljótlega.

Fyrstu Merceded Benz Sprinter fjórhjóladrifnu sjúkrabílarnir fyrir Ísland innréttaðir hjá Profile Vehicles OY. Þeir eru að koma. 

Við eigum nú fyrirliggjandi eldgalla á lager þ.e. kápur og buxur (Ísland), stuttjakka og smekkbuxur (Keflavík) og svo hálfsíðan jakka og háar buxur í bakið (Reykjavík). Við höfum því miður ekki í ár getað afgreitt á réttum tíma fatnað en nú á að vera komið lag á og erum við smá saman að eignast lager til afgreiðslu strax.

Í byrjun mánaðarins minntumst við á nýjan kennslubækling sem kominn er út frá Holmatro sem er einn stærsti og virtasti framleiðandi björgunartækja í heiminum og að auki eru flest björgunartæki hérlendis frá honum komin. Kennslubæklingurinn er nú kominn til okkar og hefur verið sendur til þeirra sem pantanir höfðu gert. Sjá nánar frétt frá 3. október

Að gefnu tilefni þá vekjum við athygli viðskiptavina okkar á því að við seljum eingöngu búnað eða tæki til eldvarna eða slökkvistarfa sem er  viðurkenndur eftir evrópskum stöðlum og í nokkrum tilfellum NFPA skráningu og viðurkenningu. Stærsti hluti slökkviliða og atvinnuslökkviliðin í landinu eru viðskiptavinir okkar og hafa verið í nánast 30 ár.

Á mælum Lifeco slökkvitækja er lítið agnarsmátt gat með álímdri plasthimnu yfir. Mælarnir eru af EBUR gerð sem er virtur þýskur framleiðandi. Ef pinna er stungið í gatið og þrýst léttilega á færist vísir niður á við og ef þrýstingur er eðlilegur á tækinu fer hann upp í sömu stöðu aftur. Þetta er aðferð til að yfirfara mæli og þrýsting tækisins samtímis. Við höfum ekki rekist á aðra gerðir með þessum frábæru eiginleikum. Á Jockel slökkvitækjum er gat á mælisskífu en ekki á gleri en þau tæki eru með sér áfyllingarloka. Slökkvitæki sem uppfylla IST-EN3 staðalinn eiga að hafa þennan eiginleika. Einfalt og öruggt.

Fyrr í sumar færðum við ykkur fréttir af kaupum slökkviliðsins í Pristína Kósóvó á ýmsum búnaði hjá okkur að undangengnu útboði sem við unnum. Samið hefur verið um kaup á meira af búnaði má þar helst nefna eftirfarandi.

Enn á ný er útgáfa á kennsluefni frá Holmatro BV þar sem kennd eru vinnubrögð við björgun fólks úr bílflökum. Holmatro er brautryðjandi í kennslu á björgunarbúnað sem notaður er við klippuvinnu og eða lyftivinnu við björgunaraðgerðir. Þó nokkuð útgefið efni er til og eins hefur Holmatro staðið fyrir námskeiðum fyrir björgunarmenn og kennara. Stofnað hefur verið sérstakt fyrirtæki þar um sem nefnist ICET og hafa nokkrir Íslendingar sótt þar námskeið og nú fljótlega fara tveir til að fríska upp á kunnáttuna á viðhaldi tækja og búnaðar.

Fyrstu stóru FirePro slökkvikerfin sett í báta hérlendis hjá dreifingaraðila okkar á Akranesi Eldvörn. 

Brunavarnir Skagafjarðar fengu í júlí í sumar Rosenbauer Fox lausa slökkvidælu og var það dæla númer 14 sem við höfum selt hérlendis en um  250 stk. eru í notkun í Noregi. Stutt lýsing á dælunni er eftirfarandi.